星期六(年廿六)睇完Sweeney Todd，出咗旺角行花市，可惜天公不造美，之前落過雨嚟，又鬼咁凍，果日係入凍以嚟最凍一日，得8度，所以無心情影相。可能太早，啲檔都未開晒，一無所獲。跟住就去食嘢。
我哋去咗[麻布茶房] ，chiu san想去食好耐喇，只係一路都無機會，因為多數都好多人要等位，我兩個係好少等位，除非係好好味。未識過嘅，更唔會冒呢個險，咁啱呢日唔使排，就入去識一識。點知........
初初好期待咁樣！
最後得出結論係，味精餐廳一間，味道好一般，但勁多味精。味道一般唔緊要，啲服務態度，真係差到無人有，問佢嘢十問九唔應，個個黑口黑面，講嘢又恢氣。唉，食餐飯好似係度受佢氣咁。我哋以後都唔會再去呀！
乜真係咁差，間間唔同的，或者下次去第二間囉
回覆刪除[版主回覆02/05/2008 22:58:00]chiu san 話尖沙咀果間企門口果啲staff都係無禮貌，西田果間啲環境又差，同埋食物又唔係真係咁好食，所以都應該無乜機會再去lur~
你地有無食冰淇淋呀? 它們最出名的係燒蕃薯霜淇淋呀，或者其他有冰淇淋的甜品，霜淇淋很滑的，值得試。
回覆刪除我去過咁多間麻布茶房﹐覺得銅鑼灣嗰間啲服務係最好的，啲人清醒，其他店的店員都像在做夢一樣。
其他定食只是副選，真係好一般，我食過啲湯麵，個湯底好淡，食過咖喱飯，好普通。我曾經也覺得它們的梅子飯好味，但現在也不好吃。
下次再去試吓啲雪糕啦，食咗正餐或high tea 先去喎，當甜品，我覺得ok!我現在也會去哪裡吃雪糕的，哈哈!
[版主回覆02/06/2008 16:14:00]咁你下次同我去喇！