維園年宵市場

尋晚，年廿九，去咗維園行年宵，好多人呀！淨係睇個入口！多人到呢！

未正式入場，影返張到此一遊先！chiu san似唔似key出嚟咁呀！哈合哈！

出發喇！年宵一定唔少得輕氣球喇！最鐘意睇乜手飛走咗果啲，可惜尋晚無人乜手！

今年竟然有巨形避X套呀！好搞笑！

連蘇民峰都嚟？原來唔係，係佢啲學生姐，如果佢都嚟埋，不得了喇，一定行都行唔到呀，紅過特首呀佢！

抬頭只見人頭！

今年有好多巨形NDS筆呀，都幾得意，不過唔知畫唔畫到架呢？

氣球中間有金魚呀，都幾得意幾靚架，不過上年出過喇！

人群中自拍，好辛苦架，太多人，手唔可以伸太長呀！變咗大頭VY呀！

嘩！大白鼠糖呀！咁大粒，俾你食都唔好話唔驚！

點解有檔賣衫架，維園突然變咗女人街囉！

行到我哋嘅目標地喇，今次我哋係嚟買花架！

最後都順利買咗一棵小桃花，好開心呀！