眼鏡廣告化妝

終於完成咗喇，不過我要更正小小嘢，原來我唔係化雜誌嘅job呀，係一個眼鏡廣告，即係平時係眼鏡鋪display眼鏡後面嘅板呢，不過個負責人話，呢批廣告唔係喺香港出嘅，有啲失望添，不過唔緊要，個攝影哥仔好好人，佢話會send返啲相俾我keep record，咁我就以我傻瓜級嘅攝影俾大家睇住先喇！

我今次嘅工作枱呀！sorry，亂咗少少！

今次嘅model係外國人，一男一女。

呢個女仔好nice架，而且操一口流利廣東話，唔睇樣淨係聽佢把聲重以為係香港人添呀！

男model就真係唔係好識廣東話喇，不過有個香港女朋友，所會識聽小小廣東話。

原來佢兩個唔係專業model嚟架，係友情客串架咋，但係專業程度及表情動作，絕對不遜於專業model架！

大家可能覺得女model個妝化得好淡呢，無錯，只係遮遐only，因為今次嘅主角就係....眼鏡嘛，所以唔可以化得好誇好多色咁。