4 Feb 08 (星期一) (年廿八)
同chiu san同zoe一齊去沙田皇城打邊爐，係呀，又係皇城呀，無計，大家都係沙田人，除咗chiu san，哈哈。食到飽飽，我哋一行三人就沙田年宵市場行吓喇！出發喇！
佢兩個一路行一路講英超呀，now呀，cable呀！我唔啱講，所以負責偷影！
沙田個年宵市場幾年都係咁，乾貨一邊，濕貨一邊，但兩邊加埋都唔知有無50檔，好細，乾貨果邊仲有啲似學校嘅嘉年華咁，因為差唔多全部都係學生做嘅！
本來諗住買花，但係濕貨果邊，行咗三轉，都揀唔到，唯有放棄。實在太細喇，選擇唔多，全部都唔啱心水呀！睇嚟要去維園行返轉至得喇！
我都行過沙田，都覺得好似中學生買物會呀
回覆刪除[版主回覆02/05/2008 22:59:00]你果邊有無得行呀？chiu san話上水果個仲多嘢睇過沙田果個呀！
我行咗上水嗰個，粉嶺就冇行過喎，不過上水都係好細的，一樣冇嘢買呀，本來想噚晚去旺角的，但食完飯太夜又攰，所以冇去囉
回覆刪除[版主回覆02/06/2008 09:30:00]其實上水果個都無乜嘢行，都係維園最好行，最多嘢睇！
回覆刪除謝謝妳給我的參考!
祝妳和愛人新年進步, 心想事成, 身體健康!
[版主回覆02/06/2008 09:29:00]唔使客氣，都唔知幫唔幫到你，我都祝你身體健康呀！心想事成！
好彩我背影都唔係好肥啫
回覆刪除[版主回覆02/06/2008 09:22:00]你同亞昭比呀！哈哈哈！咁又唔係好肥囉！
同你拜個早年新
回覆刪除祝你生活如意,身體健康, 一家開心!
[版主回覆02/06/2008 09:28:00]多謝你呀！都祝你身體健康，你同擅野勁恩愛，你兩隻仔精乖伶俐！
祝你两有个快乐新年，身体健康，和我的金句 - 生活无忧
回覆刪除[版主回覆02/06/2008 16:25:00]多謝你呀！我都祝你甲藝越嚟越勁，生活無優！恭喜恭喜！
祝妳一年比一年靚，身體健康，男友錫晒你，今年發大財。
回覆刪除