尋日放工，又同chiu san撐枱樹，本來諗住去食平價米線，點知chiu san過到嚟中環又話想去食拉麵。佢話好耐無去交易廣場下面間[札幌拉麵]度食，於是就改變行程，去食拉麵。
[札幌拉麵]係好味架，唔同一般[味X]果啲湯唔似湯，麵唔似麵咁，湯好味，麵亦不錯，但價錢亦不平呀，就咁一個[豬骨湯拉麵]都60蚊架！不過想食好啲，付出都係要多啲。
chiu san叫咗個醬油拉麵，我就叫咗豬骨湯拉麵，再加個炸雞。好味呀！雖不及東京嘅好味，但都止到我哋嘅拉麵癮呀！
我哋食得好開心呀！你睇chiu san表情多多就知喇！
次次見到你食好野都會肚餓.....哈哈！ chiu san好多表情！
回覆刪除[版主回覆12/18/2007 16:56:00]係呀！佢成日都古靈精怪呀！有佢係度，成日都好開心架！
CALLING...CALLING...KITTY有新野 ...快 D黎我BLOG...
回覆刪除[版主回覆12/19/2007 08:33:00]等我即刻去睇吓先
喂喂，粉嶺聯和墟都有一間拉麵好好味的，不過佢就成日休息，唔一定日日有得食的
回覆刪除[版主回覆12/19/2007 14:00:00]係？！咩名呀！如果有機會去開粉嶺，去試吓都好喎！
間麵店叫"爵士拉麵"，個老細係日本人來架，佢老婆就係廣東人，間店好細間的，而且D麵唔平架，但好味
回覆刪除*******記住佢唔係日日開的，所以有可能你去到會冇開門的******