又係皇城打邊爐 + 睇醫生

相信各位都好想狠狠咁打我一獲喇！病未好又去打邊爐？

唔係呀！根據我尋日所講，我嘅病時好時壞，咁尋日放工，我的確龍精虎猛呀！加上我好為食，好想打邊爐呀，咁我就更係照去應約打邊爐喇！

今次我係同嘉佩去打架，又係去皇城，方便就腳又平嘛！今次我哋又係麻辣湯底呀！正呀！雖然話任食咋喎，我哋都唔係食咗好多嘢，始終兩個女生去食，係無咁抵。而且今次我哋無飲汽水或凍嘢，叫佢俾咗壼茶我哋。鍚身呀，唔飲凍嘢呀，醫師話凍嘢無益嘛！(要做個乖孩子呀)

打完邊爐，我倆個就約咗醫師睇醫生喇！哈哈！食個飽先睇醫生呀！因為之後食孳要誡口喇嘛！上咗醫師屋企，好彩大家都係沙田人，近近地。醫師話我感冒的確未清呀，要食三日藥呀，好彩科技發達係食藥粉姐，好味好多架，又唔使煲餐死。嘉佩呢，唔夠瞓，有火呀，佢要休息多啲喇。

睇完醫生返歸。嘩！成11點幾喇！唔怪之得chiu san打咗兩次電話俾我喇！唔覺唔覺咁夜喇，我又無打電話俾佢，膽心死佢喇！

終於，睇咗醫生，有藥食，食中藥感覺係好過西醫呢

！要快啲好返呀！做返個精靈vy呀

！