2007年12月8日 (星期六)
嘉佩約咗我去bbq呀，係同佢啲fried一齊去嘅！
好搞笑咁，我哋各自約咗係大埔等，咁嘉佩更係同我呢個弱兒一齊去喇！我邊度都唔識去架嘛！其實一開始，我只知係大埔燒，但唔知大埔邊度囉！我同喜佩及朋友謝菲去到大埔火車站，去咗小巴站等20K，原來去三門仔。其實我第一次去三門仔，心諗有得燒嘢食，果度一定好熱鬧嘅。
到咗三門仔，一陣涼風過，點解咁荒蕪架！得啲村屋。等埋嘉佩啲朋友入到嚟，又一陣涼風呢，原來大家都未嚟過呢度燒嘢食，都只係聽人講咋。於是我哋就搵喇，聽聞係一間士多嚟嘅，我哋就搵士多！搵到喇！一問之下，原來係要早4日預訂架！吓！即刻無得燒！呆咗！唯有過返去燒烤大王燒喇！
三門仔實在太靜，車都唔多架，於是我哋就CALL的士喇！七個人分兩架的士。我哋果架的士，四個都係女仔呀！一上車，就有以下對話！
朋友P：燒烤王吖唔該！
的士佬：吓！乜咁好帶(HIT)呀！
靜晒..........
朋友P：(好無奈)無車吖嘛！
的士佬：大把車喇！
我哋真係俾佢激死喇，乜今日仲可以用啲咁嘅態度對客架咩，嫌近咪唔好嚟囉！麻鬼煩。
終於去到燒烤大王喇！好彩有位，好嘢，開始燒嘢食喇！好肚餓呀！
而家啲人有錢賺都咁差態度！ 比錢果啲都要受氣，真衰！ 點除左你，個個都著黑色衫？
回覆刪除[版主回覆12/10/2007 17:27:00]係呀！我都覺呀！個個都係黑衣人 ！我都唔知點解佢哋咁鐘意著黑色呀！我鐘意七彩架！
有時D的士司機又真係差咗少少，好彩我仲未遇過啫
回覆刪除[版主回覆12/12/2007 09:50:00]呢排我都係黑仔架喇！
嘩，你唔駛放晒我咁多相上去ma，haha，失禮死人
回覆刪除[版主回覆12/12/2007 09:50:00]無計喇！你影相仲多過我，唔post你果啲就無乜相post架喇！
下次一齊再玩過,hohoho
回覆刪除[版主回覆12/13/2007 10:41:00]好呀！一言為定呀！
仲咩有我係度ka?
回覆刪除[版主回覆12/18/2007 14:57:00]你係邊個呀！其實都估到嘅，不過唔我唔敢亂講喎！估錯好樣衰架喎！
我諗妳都幾難估錯wor. d相得4個人ja ma....得閒send返d相比我呀.....
回覆刪除[版主回覆12/18/2007 21:33:00]我點send比俾呀？
又係wor ..... mail: jeffy1508@yahoo.com / msn: jeffynw@hotmail.com
回覆刪除