做冬

今晚，我屋企做冬。好熱鬧呀！又十幾廿人呀！

以前細個，總係好鐘意大時大節，好多人一做節，熱鬧吖嘛，又會有好多小朋友一齊玩。小朋友玩起上黎，成年無見都可以玩到好熟咁架喇！而且又有好嘢食，梗鐘意做節。

人大咗，越嚟越唔鐘意做節，但每次都會出席，因為媽咪鐘意齊人做節。其實，大個咗，已經唔會再期待再同啲成年都唔見一次嘅表兄弟姊妹一齊玩喇，咁大個人仲玩咩。見到面，無話題，夾硬搵話題，免有冷場。唉！咁咪即係扮嘢，做假囉。最憎。食餐飯都好似做show咁，幾唔想笑都要笑，都唔知有乜好笑，又唔熟！每次食餐飯，總要食上兩三個鐘架。鬼咩，呢啲飯局，係啲長輩搞架嘛，食完咪又鐘意係度話當年，悶爆，唔想聽都要聽晒！想嘔呀！走先又好無禮貌，媽咪好無面架嘛。

今晚又要出席扮嘢飯局喇！唉！