尋日放工後未夠鐘做冬，於是我就去咗新城市行吓街，睇吓嘢，好多人呀，人人都係度買聖誕禮物呀！係新城市同西田，都有聖誕佈置，之前新城市棵聖誕樹未開燈之前，真係唔靚呀！尋日，開咗燈好似靚咗喎，雖然都唔係咁鐘意，但都好有聖誕氣氛，再加上有好多人影相，於是我又影埋一份！去到西田，有我鐘意嘅雪人公仔，又影，不過西田太迫喇，影咗少少就閃人喇！
行到咁上下，返去食飯lur。次次做節，我哋都係去同一間大排檔食嘅。
親戚例必遲到，我同媽咪又洗定晒啲碗筷囉！變咗亞四呀！次次都係咁！初初人未齊，我係坐係下面呢張枱架！點知，啲長輩到得七七八八，話唔夠位坐，竟然叫一早坐好咗嘅我同細佬細妹同3個表兄弟，一共6個人坐去隔離再隔離張細枱到！有無搞錯！
我返親鄉下都係分大人細路枱的
回覆刪除[版主回覆12/20/2007 16:02:00]其實我哋都唔係細路喇！我哋仲俾啲伙記笑我哋：「你哋仲係細路！ 」真係激死呀！
洗乜等丫,食飽就走啦~
回覆刪除哈哈哈！大人細路分枱坐！
回覆刪除我最中意。
唔洗聽啲大人係度吹晒水咁！ 食飽就同其他細路玩！比我都要坐細路枱！
既然不可以先走，不如下次事先諗些玩意丫，例如帶撲克牌去玩丫，或帶本相簿和他們分享丫。
回覆刪除