充滿聖誕氣氛嘅尖咀

開完聖誕party，我梗係關住勁興奮嘅心情返屋企喇！而chiu san就係呢個時候去應試喇！佢考埋今日就放假喇！(即係唔使返學住) 我去到尖沙咀，見到好多人影聖誕裝飾呀！好開心呀！於是我又影埋一份，海港城整得好靚呀！我好鐘意呀！可惜我陪相機cheapcheap咁，無人哋果啲咁pro.，影出嚟無咁靚呀！

人山人海呀！真係普天同慶呀！好熱鬧呀！啲相無我架，因為得我一個人行咋，其實我好想影架！我自己影唔到自己呀！

經過半島酒店，其實佢好靚呀，不過年年都一樣，有啲悶喇！唔知佢係咪知我話悶，今年多咗啲鹿仔冋聖誕老人呀！其它星星就一樣喇！哈哈哈！好開心呀！今次都影得好清楚呀！

行呀行！去到新世界中心！其實無乜聖誕feel，不過一樣靚呀，仲好浪漫添！

個鐵塔會變色架！哈哈！係香港都有巴黎鐵塔睇，喺香港都可以浪漫一番呀！

喺UCC門口，有個外國人扮成小仙子咁呀！不過影唔到正面呀！外國人係唔同啲，未到聖誕已經扮鬼扮馬喇！