2007年12月16日 (星期日)
一早要化五個姊妹呀！約咗個新娘子7:00前去到酒店。我就要5:30起身。係咁易梳洗一下就坐的士出發去金鐘嘅港島香格里拉喇。
去到，我以極速幫佢五個姊妹set 頭化妝，10:00前要交人呀！還好我要快起上嚟，都可以好快！佢啲姊妹着同一set裙架，呢個新娘真係好人呀，令到一眾姊妹唔使為添衣及set頭化妝費心！啲裙仲好靚添呀！不過因為時間太緊迫，無時間影相。
到最後，我都係10:15分先交到人。不過，因為兄弟團已經到咗，搞到我被困洗手間，好彩新娘子個化妝師要趕下場，係一個冷場時間，我哋成功閃人。走得已經係11:30，好攰呀！仲要行返落下金鐘港鐵站，真係死得呀。
好彩chiu san話等埋我一齊先食lunch，於是，我驅車(即係坐火車呀！嘻嘻)直入上水，我真係好攰，我係九龍塘send咗個sms俾chiu san之後，就瞓著住，一開眼就已經去到太和站喇！好彩chiu san打嚟叫我起身咋！
食完lunch，我又係chiu san屋企瞓咗一個晏覺！連續兩日都雖然只係做咗半晝嘢，但朝朝都瞓唔夠就起身，又因為怕自己唔知醒瞓得超差，所以，雖然瞓咗兩日晏覺，但都補唔返喇！好攰呀！我好想放假呀！
不過無計喇！為咗圓自己做化妝師嘅心願，辛苦都值嘅！
其實放假都係唔洗返工有自己的時間嘛！ 你要比心機，你的心願會成功的。
回覆刪除[版主回覆12/17/2007 16:51:00]我會俾心機架！我相信我唔放棄，呢個心願好快會實現！唔使再返呢份垃圾工呀！
能把interests 于工作上是无限幸福，开头的艰辛不可避免要熬过才有出生天。 愿你心想事成。 Merry X'mas and Happy 2008.
回覆刪除[版主回覆12/18/2007 14:05:00]多謝呀！我一定會熬過架！
只要你真係化得靚靚，咁到時就會多咗人搵你做啦，唔洗打人工都得呀
回覆刪除[版主回覆12/18/2007 14:04:00]係呀！我都係等呢一日咋。口碑真係要用長時間嚟建立呀！