病咗返學嘅日子，究竟幾時先會病好呀！？

又病？！唔係呀！係從來都無好過，時好時壞咁喇, 即係有時朝早好精神，晏晝好唔掂，又或者相反咁囉！呢排都唔知做咩。唉~

病咗，都要返工返學架喇！唔通日日都唔返工咩！感覺都幾辛苦呀！好似尋日咁吖，朝早好地地架，晏晝開始好唔舒服，作感冒囉！死頂喇！放工食咗泡飯先好少少，再食粒藥，就去返學喇！

食咗粒藥又精神返喎！好開心，仲買咗杯朱古工咖啡返學飲添！因為學校好鬼凍架，飲杯熱嘢暖吓肚咁喇！

呢個就係我個班房喇！見未有咁多人返，影張相留念先！(唔影相都唔知原來我個樣咁病喎，無晒光彩添)

我係HKMA讀架，本書仔果面印刷好精美架！

放學之後，等chiu san嚟接我，佢咁啱星期二又係返學，所以可以嚟接我呀！不過佢最後一堂喇！等考試喇！我經過habourcity，見個燈飾好靚，又影底咗！不過太多人喇！

chiu san實在太餓喇，所以去咗M記買個飽食！我無食到呀！因為我又開始唔係好舒服喇！無乜胃口呢！唉~ 點搞呀！