部ipod nano唔知幾時先有得用呀！

上回講到，chiu san送咗部ipod nano (3rd) 俾我做聖誕禮物。但好黑仔咁，义唔到電，要攞去換喇！

尋日放工，chiu san本來諗住返屋企食飯，順便去返上水間嘢度換。不過，chiu san尋日要ot，我喺灣仔等埋佢放工已經6:30半喇！於是chiu san話不如喺附近搵果間嘢嘅分店換咗佢先，跟住同我食埋飯先返屋企。嘻嘻！以為無得同chiu san食飯架嘛，佢有咁嘅決定，即刻好開心呀！

跟住，我哋行去銅鑼灣時代廣場先有果間嘢嘅分店，第一時間換咗佢，好彩啲sales都ok好人，佢哋試完機都肯幫我哋換過部新嘅，今次唔使义住電都開到機喇！yeah！好開心，換到就走人喇！

跟住我哋去搵嘢食，諗住平平地食咗佢就算喇！都唔知係咪經濟好成咁，條街好鬼多人，真係一步一個人，唔小心都會碰到人呀！我哋行到一條街細，比較多食嘅鋪頭，仲要唔係好貴果啲，咁就行入去睇睇！我哋揀咗間食越南嘢嘅！又幾好食喎！不過因為係大排檔咁嘅，係露天嘅，可以食煙嘅！本來啲嘢係幾好食架，不過俾啲煙民前後夾攻，搞到我同chiu san走夾唔頭呀！

跟住我部ipod nano就跟咗chiu san返屋企搞埋啲電腦嘢佢！因為我係電腦白痴嚟架，呢啲高科技，梗係留返俾chiu san呢個電腦神童負責喇！

返到屋企，chiu san話我知部機好順利咁义到電喇！yo！好開心呀！就嚟有得聽喇！

故事永遠係唔會咁快有結局嘅，唉~ 今朝，chiu san一早起身，諗住返工之前幫我load啲歌入去部機到，跟住溫陣書先返工，點知，部機又出現問題，聽chiu san講，部嘢hand 機呀！一開機就hand 機，開好多次，先有一次唔hand喎，吓！唔係咁呀，我今期係黑仔vy呀！於是，chiu san搞咗成朝，書都溫唔到，仲搞到返工遲咗幾分鐘。部ipod nano真係可惡呀！

chiu san唯有係今晚返學之前，又去銅鑼灣換，換完先趕返去炮台山返學喇！真係辛苦晒chiu san喇！本來送份禮物俾我係好開心架！搞到chiu san咁唔開心又要走嚟走去換。究竟我幾時先有得聽部ipod nano呀！