公司聖誕party

今年嘅party依然係喺公司canteen搞，lunch之後，我有份去場地度幫手，行行企企，其實都唔知幫咗咩手。無無聊聊咁，係度影吓相打發時間。

你哋而家知我係喺咩公司做喇！哈哈哈！

呢個裝飾好靚呀！好大個架！只係我影得唔好咋！

有嘢食喇！係未開始就要影底佢喇！因為一陣會擠提咁樣架！插針都插唔入呀！

咁啱，又俾我見到係第二度工作嘅同事，我係中環返工，佢係上環返工，好耐無見(我以前都係返上環而識佢嘅)，都要影返張相留念喇！佢係嚟幫手set PA systmekrd ，set完就走架喇，無得玩架！跟住，party就開始喇！

今年嘅聖誕party，好開心呀！我抽中咗呀！........................................不過唔係Wii囉。係下面隻錶！雖然唔係Wii，不過，都好開心架，我從來未試過抽中過禮物，今次仲要係幾好嘅一份，最緊要係實用呀！

下面就係我啲同事抽中嘅禮物喇！有啲仲無掉價錢牌添呀！哈哈哈！

 

今年真係有個快樂聖誕呀！