第四天 - 日本東京 - 築地 上野 淺草 秋葉原 (27/4/2007) 之三

我哋攞住一袋二袋，又做傻事

，返酒店得底再出發，點解唔用locker呢

呢間就係我哋住果間[新宿太子]喇！

雖然我哋做咗傻事，但如果唔係咁，我哋又未必會去到[思出橫町]食嘢！

我哋行嚟行去，成條街啲舖都差唔多，唔識日文好難叫嘢食，但我哋又好想係呢度試吓，感受一下地道嘢。最終我哋就係呢個嬸嬸間舖坐底，求其指咗兩樣嘢嚟食，其本上我知我叫嘅係拉麵，而chiu san就指住呢個嬸嬸炒緊嘅麵。

呢度唔係好豪華，好街邊feel，但好地道，i like it~~
係果一刻，碗麵同碟炒麵雖然唔係話好味到上天(因為不自覺咁將佢同博多拉麵比)，但返到嚟香港之後，只能嘆句「此麵只應日本有」，係香港食唔返咁好味。

好懷念呀！見到就流口水喇！

食完晏，已經3:00喇！其實我哋係日本嘅時候，食飯嘅時間，真係好唔定時，食晏變食tea，食晚飯變食夜宵。因為行吓行吓又唔記得咗要食飯，夜晚又想等啲舖閂門之後先食，所以真係食無定時，不過，好開心耶~~~

好！又係時候出發去今日嘅第三個目的地　─　淺草

呢度係架車嘅車頭．．．．我哋以為，點知開車先知，原來係車尾，還好都有車尾風景睇，因為係透明架！個叔叔係會留守係個駕駛室到，每到一個駅，就會睇住啲人上落車，直至開車閂好門，佢先會返入駕駛室。我就覺得幾好睇，我諗個叔叔都幾悶，仲要俾我地望住．．．

到咗喇，呢度就係〔淺草寺〕嘅入口，〔雷門喇〕！好多人呀！唔只係外國遊客，仲有好多本地人，學生哥，佢哋都會嚟影相，好似遊客咁，佢哋都會嚟祈福架！
你哋睇吓chiu san身後個女學生，條裙短到呢～～～


入到去，第一件事，買小吃，無計，貪吃～～～
仲買咗人形燒添，真係好好味，仲好得意添！

嘩！啲日本妹真係～～～睇吓左邊個女仔，好低空呀，不過個樣就～～你哋自己自行想像喇，chiu san都唔敢睇呀!

呢條街都幾多嘢睇呀，有和服，又有玩具，又有小吃，又有雜貨，又熱鬧喎，幾好呀！！我最鍾意熱鬧架喇！！！

到喇！！！到〔淺草寺〕喇！

呢個係會為你帶來好運嘅香爐，將啲煙推埋身，會為自己帶來好運！

呢個係卡通片見得多喇，我都有洗下手咁，都係會帶來好運架！！
我覺得真係會為我哋帶來好運架！點解我咁講，睇晒我地個行程大家就會明白架喇！！！

有教埋你點洗手架！！！唔識字都識圖呀！！！

係時候入去祈福喇！！

祈福完畢，原來隔離仲有架喎！！嘩！個景好靚呀！

再行入啲，已經無乜人，原來呢度有個遊樂場喎，不過閂6:00，就閂門，所以好靜！！


太靜無乜嘢行，行返出嚟熱鬧嘅地方，又買小吃，就係呢間喇，係一串串架！不過好細粒，但好好味呢！


吃完小吃，太陽都就落山喇，又趕去下一個目的地．．．

待續.....